2023
Jorge Fernández Gómez, Macarena Larrea Basterra
https://doi.org/10.18543/WQJE9906
Lehiakortasunerako Euskal Institutua - Deusto Fundazioa.
Resumen
Txosten honek Europako hiru eskualderen (Grand Est/Grand Reims, Frantzian; Eskozia, Erresuma Batuan; eta Ipar Renania-Westfalia, Alemanian) eta Herbehereetako probintziaz azpiko “energia eskualdeen” energia trantsiziorako eta deskarbonizaziorako estrategiak aztertzen ditu. Lanaren helburua da estrategia horien eta dagozkien ekintza planen ezaugarriak lantzea eta Euskal Autonomia Erkidegorako irakaspenak eta ikaskuntzak ateratzea, beste lurralde eta eskualde batzuk, nazioz azpiko ikuspegi batetik, berotegi efektua eragiten duten gasen isuriak gutxitzeko eta energia trantsizioa bultzatzeko prozesua nola egiten ari diren ikusita. Aztertu ditugun kasuek agerian uzten dute garrantzitsua dela (a) lurralde bakoitzeko errealitate ekonomiko, energetiko eta sozialera egokitutako estrategiak eta irtenbideak diseinatzea; (b) eragileen arteko lankidetza efizientea eta gizarteak trantsizioari babesa ematea sustatuko duten gobernantza sistemak zehaztea; c) I+G+Bko, prestakuntzako eta finantzaketako ekosistemak inplikatzea enpresa berritzaileei laguntza ematen eta jarduera sektoreen deskarbonizaziorako irtenbide sistemikoak garatzen.
